Nakusalaṁ napariyāpannaṁ dhammaṁ paṭicca abyākato pariyāpanno dhammo uppajjati hetupaccayā. Naakusalaṁ napariyāpannaṁ dhammaṁ paṭicca abyākato pariyāpanno dhammo uppajjati hetupaccayā. Naabyākataṁ napariyāpannaṁ dhammaṁ paṭicca abyākato pariyāpanno dhammo uppajjati hetupaccayā. (Saṅkhittaṁ.) Hetuyā pañca, adhipatiyā pañca …pe… vipāke tīṇi …pe… avigate pañca.

Nakusalaṁ naapariyāpannaṁ dhammaṁ paccayā kusalo apariyāpanno dhammo uppajjati hetupaccayā. Nakusalaṁ naapariyāpannaṁ dhammaṁ paccayā abyākato apariyāpanno dhammo uppajjati hetupaccayā … dve. (Akusalamūle dve, dukamūle dve.) Hetuyā cha … vipāke tīṇi …pe… avigate cha.